Kandidatja për presidente e Kosovës nga Lëvizja Vetëvendosje, Vjosa Osmani ka thënë se bashkë me Kurtin asnjëherë më parë nuk kanë pasur dyert më të hapura nga bizneset se gjatë kësaj periudhe, njofton Insajderi.
“Të gjitha bizneset e ndershme që kanë punuar sipas ligjit janë në mbështetje të reformave që ne planifikojmë për t’i eliminuar pengesat ndaj tyre”, tha Osmani në “Debat Plus”.
Osmani thotë se sipas studimeve mbi 57% e bizneseve theksojnë se korrupsioni është problemi kryesorë i Kosovës.
“Meqë në korrupsionin e kemi shtyllë kryesore, bizneset e ndershme nuk kanë nevojë të frikësohen, përkundrazi po e shohim se po gëzohen me ardhjen tonë”, tha ajo.
Kandidatja për presidente ka thënë se pa konfiskim të pasurisë së fituar në mënyrë të paligjshme nuk mund të ketë zhvillime ekonomik.
“Ajo që ne do të bëjmë është një model i zbatuar në disa vende që gjithë ato para që do të konfiskohen si pasuri e paligjshme do të investohen drejtpërdrejtë në fushën e sundimit të ligjit…Në ditët e para të qeverisjes do të miratohet Ligji anti-Mafia dhe unë do të dekretojë menjëherë”, tha ndër të tjera Vjosa Osmani.
Diskutime rreth kësaj post