Virusi është shumë ngjitës, vjen paralajmërimi i shkencëtarëve për këtë kategori personash

“Koronavirusi mund të transmetohet në mënyrë efikase edhe nga personat që kanë simptoma të lehta, sepse arrin të shumëfishohet me lehtësi edhe në pjesët e sipërme të rrugëve të frymëmarrjes”.

Ky është rezultati i një studimi të publikuar në revistën “Nature”, zhvilluar në Gjermani, nga një grup shkencëtarësh të universitetit “Charite” të Berlinit, drejtuar nga virologu i njohur Christian Drosten.

Deri tani ishte thënë se virusi kalon kryesisht në pjesën e poshtëme të rrugëve të frymëmarrjes, duke bllokuar keq mushkëritë. Por, me këtë studim dalin të tjera të dhëna për mënyrën e hedhjes në aksion të koronavirusit.