Më shumë se 186.000 njerëz në SHBA janë infektuar me koronavirus dhe të paktën 3852 kanë vdekur. Zyrtarët e Shtëpisë së Bardhë parashikojnë se më shumë se 100.000 persona mund të vdesin nga koronavirusi dhe kjo nëse praktikat publike i udhëzojnë në mënyrë të përsosur distancat sociale.
Nga mesi i prillit, kur virusi parashikohet të godasë më rëndë vendin, parashikimi i frikshëm flet për 2000 vdekje në ditë ndër amerikanët, tregon një model i cituar nga Shtëpia e Bardhë.
Zyrtarët shëndetësorë thonë se masat e marra për të frenuar përhapjen e virusit janë e vetmja shpresë për të mbajtur numrin e vdekjeve në mijëra dhe jo miliona.
Nëse amerikanët nuk ndjekin udhëzimet për distancimin shoqëror, sipas dr. Deborah Birx, koordinatore e përgjigjes së koronavirusit në Shtëpinë e Bardhë, në rastin më të keq mund të humbi jetën 2.2 milionë njerëz.
Dhjetëra shtete kanë lëshuar urdhra për qëndrimin në shtëpi dhe qeveria federale zgjati udhëzime për distancimin shoqëror, masa që do të zgjasin deri më 30 prill.
Birx tha se nuk ka asnjë mënyrë të lehtë për të përmbajtur pandeminë e koronavirusit. I takon publikut të ndihmojë në ndalimin e përhapjes.
Diskutime rreth kësaj post