Vdes elektriçisti në Tropojë, po rregullonte një defekt

Një 32 vjeçar ka mbërritur i vdekur në Spitalin e Tropojës. Ngjarja ka ndodhur ditën e sotme rreth orës 17:45.

Mësohet se i riu me inicialet F.H., banues në Luzhë, Tropojë është dërguar në spital pa shenja jete.

Dyshohet se elektriçisti të ketë humbur jetën duke rregulluar një defekt elektrik.

NJOFTIMI I POLICISË

Më datë 03.02.2018, rreth orës 17:45, në spitalin e Tropojës është dërguar një shtetas pa shenja jete.

Menjëherë kanë shkuar shërbimet e Policisë dhe grupi hetimor ku ka rezultuar se, ështe sjellë i vdekur shtetasi F.H., 32 vjeç, banues në Luzhe, Tropojë, me profesion elektricist.

Nga hetimet paraprake dyshohet se shtetasi F.H., duke rregulluar një defekt elektrik në fshatin Rragan, dyshohet ta ketë zenë korrenti, ku për pasojë i ka sjellë vdekjen.

Grupi hetimor ndodhet në vendgjarje, ku po punon për sqarimin e rrethanave të ngjarjes.