Vala e të nxehtit afrikan mbërthen vendin tonë, sot do jetë dita më e nxehtë e vitit, ja sa do arrijnë temperaturat

Temperaturat vazhdojnë të rriten në vendin tonë, dita e sotme parashikohet që të jetë piku i të nxehtit në të gjithë territorin.

Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 20°C në 35°C, në zonat e ulëta nga 26°C në 42°C dhe në zonat bregdetare nga 28°C në 43°C. Era do të fryjë në drejtim Veriperëndimor ndërsa forca e valëzimit në det do të jetë 3 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot kryesisht të qëndrueshëm dhe të nxehtë. Temperaturat do të pësojnë një rritje të lehtë ku do të variojnë: në zonat malore nga 19°C në 37°C dhe në zonat e ulëta nga 22°C në 40°C.