Ulsi Manja: Pse votimi i sotëm në Kuvend është historik

Kreu i komisionit të ligjeve, Ulsi Manja tha se votimi i sotëm në Kuvendin e Shqipërisë për ndryshimet kushtetuese është një votim historik.

“Votimi i sotëm në Kuvendin e Shqipërisë është një votim historik. Akti i sotëm për ndryshimet kushtetuese mund të konsiderohet një akt me rëndësi politiko-juridike. U mor një votim masive në Kuvend. Le të themi që nga sot qytetarëve shqiptarë iu kthye sovraniteti.

Ndryshimet e sotme kanë dy risi; listat e hapura dhe natyrisht ndryshimin e subjekteve që propozojnë kandidatët për deputetë. Do të jenë partitë politike dhe zgjedhësit që do të zgjedhin.

Nuk është ndryshuar sistemi zgjedhor, sepse do të vazhdojmë të kemi sistem proporcional rajonal. Numri i deputetëve nuk ndryshon. Sot kemi hapura listat duke u dhënë të drejtë qytetarëve që të zgjedhin subjektin dhe deputetin që duan në Parlament. U bënë të gjitha përpjekjet për ta marrë dakordësinë e opozitës jashtëparlamentare pas 5 qershorit”, tha Ulsi Manja për Ora News.