U përplas me jet ski në plazhin e Llamanit në Himarë, 16-vjeçari ndërron jetë në spitalin e Traumës 5 ditë më pas

Ka ndalur sot në mëngjes zemra e 16-vjeçarit, i cili u aksidentua rëndë pasi jet skija të cilën po e drejtonte, u përplas me një tjetër të miqve të tij.

Burime bëjnë me dije se zemra e adoleshentit, ka ndaluar rreth orës 04:00 të mëngjesit të sotëm.

Katër të miturit nga Tirana, kishin marrë 2 Jet Ski me qira dhe gjatë lojërave në det janë përplasur

Nën hetim për shkelje të rregullave në punë është Renato Panajoti, që u dha të miturve mjetet me qira.

Prej 15 gushtit adoleshenti u shtrua tek Trauma, por mjekët thanë se gjëndja e tij shëndetësore ishte tepër e rëndë dhe vetëm një mrekulli mund ta rikthente në jetë.