U përfol se do të largohet nga TCH, vjen lajmi surprizë për Luana Vjollcën! Moderatorja do të ‘mbretërojë’ të shtunave mbrëma në këtë televizion

Moderatorja Luana Vjollca, e cila ka një karrierë prej 15-vitesh në Top-Channel, do të vazhdojë të shfaqet sërish në ekranin e këtij televizioni.

Sipas JOQ, Luana po negocion me drejtuesit e televizionit rreth një projekti të ri. Bëhet me dije se programi i ri i Luanës, pritet të ketë sukses të madh, për shkak se do të jetë një nga programet më të mira që është parë në ekranet shqiptare.

Nga të njëjtat burime, mësohet se në Top Channel, po punohet për studion e re të Luanës, ndërkohë që dita e shtunë, që ka qenë historikisht e Luanës, është lënë bosh për moderatoren e njohur.

Drejtuesit e Top Channel, kanë patur shumë propozime për spektakle të tjera ditën e shtunë në prime-time, por i kanë refuzuar për shkak se kjo ditë i është caktuar Luanës, që nga muaji shtator deri në shkurt, në çdo sezon televiziv. Shumë shpejt pritet të mësohet edhe sesi do të quhet projekti më i ri i Luana Vjollcës.