Turqia i jep lajmin e mirë Suedisë dhe Finlandës

Turqia ka rënë dakord të mbështesë aplikimet për anëtarësim në NATO të Finlandës dhe Suedisë, tha presidenti finlandez.

Presidenti i Finlandës Niinisto tha se përparimi erdhi pasi të tre vendet nënshkruan një memorandum të përbashkët “për të zgjeruar mbështetjen e tyre të plotë kundër kërcënimeve ndaj sigurisë së njëri-tjetrit” pas takimit në samitin e NATO-s në Madrid.

Turqia ishte një nga pengesat kryesore në rrugën që dy vendet nordike t’i bashkohen aleancës, me zyrtarët që më parë deklaruan se ishin të gatshëm të vononin anëtarësimin për më shumë se një vit nëse nuk merrnin garanci të kënaqshme se Finlanda dhe Suedia ishin të gatshme të adresonin mbështetjen për grupet kurde që Turqia i konsideron si organizata terroriste.