Kreu i grupit parlamentar i PS, Taulant Balla në fjalën e tij në Kuvendin e Shqipërisë komentoi manifestimin e thirrur nga Presidenti i Republikës.
“Ajo që dua të vlerësoj dhe përsëri rikthehem te raporti i Komisionit, është një lajm shumë i mirë për shqiptarët, për fat të keq ditën që reforma në drejtësi u miratuar bashkë me të është ngjizur edhe një aleancë e paskrupullt politikanësh të korruptuar për të bërë gjithçka për ta penguar.
Bënë gjithçka mundën deri atë ditë, por bëjnë tashmë gjithçka për ta dëmtuar, edhe ‘Besëlikja’ me Republikën e re, janë sot në të njëjtin front për të penguar çdo lloj ecje përpara për të penguar ecjen para të reformës në drejtësi dhe rrugën europiane. Çdo protestë nuk do arrijë të pengojë këtë rrugë të historisë.Për këtë të jenë të sigurtë edhe ndonjë ‘leifen’ që vjen këtu e flet si zëdhënës i manifestimit edhe as shtangist e boksier, madje edhe gjyshja e mikut tim Bes Kallakut nuk e di çfarë është reforma në drejtësi e si mund të cohet përpara. Është një reformë që është udhërrëfyesi ynë kryesor deri në ditën e BE. Kush mendon se kjo ditë është e largët më besoni e ka shumë gabim.” – u shpreh Balla.
Diskutime rreth kësaj post