Ministri i Diasporës, Pandeli Majko e ka quajtur tubimin e 2 marsit si një shëtitje dhe projeksion politik të Metës për shkak të marrëdhënieve të acaruara me mazhorancën.
“Mendoj se jemi në kongresin e PS. Akte të tjera vlen të diskutohen por kur t’i shohim të ndodhin. Kongresi i PS është ai që aktualisht po ndodh.
Më pyetet për shëtitjen që do të bëjnë në datë 2 mars njerëzit për të protestuar, kanë të drejtën e tyre. Ne nuk diskutojmë se ç’kanë të drejtë të tjerët.
Ne diskutojmë se çfarë përgjegjësisë kemi për atë që po i vjen Shqipërisë, sepse mendojmë se kemi barrë, pak më tepër se sa duhet, kemi marrë gjithë pushtetin lokal, qeverisjen ekzekutivin e vendit të vetëm. Dhe mendoj kjo nuk është barrë e thjeshtë, na bën të matur, dhe të mos themi hop, duke qenë matanë kanalit”.- tha Majko nga Kongresi i PS.
Diskutime rreth kësaj post