**Autobusi me turistë përfshihet nga flakët në hyrje të tunelit të Elbasanit, bllokohet qarkullimi**
**ELBASAN** – Një autobus që transportonte turistë është përfshirë nga flakët në hyrje të tunelit të Elbasanit, duke shkaktuar bllokimin e përkohshëm të qarkullimit në këtë aks rrugor.
Pas shfaqjes së zjarrit, turistët që ndodheshin në autobus kanë zbritur nga mjeti, ndërsa në vendngjarje kanë mbërritur shërbimet përkatëse për ndërhyrjen dhe vënien nën kontroll të flakëve.
Deri në këto momente, **nuk ka informacion zyrtar për persona të lënduar**, ndërsa shkaqet e zjarrit ende nuk janë bërë të ditura.
Autoritetet po vijojnë ndërhyrjen në vendngjarje, ndërsa pritet që pas përfundimit të situatës të kryhen verifikimet për përcaktimin e shkaqeve të incidentit.
Qarkullimi në këtë pjesë të rrugës mbetet i ndikuar deri në normalizimin e situatës.
Diskutime rreth kësaj post