Parlamenti i Pakistanit të hënën miratoi një rezolutë që i kërkon qeverisë të tërheqë të dërguarin e saj nga Parisi, pas botimit të karikaturave të Profetit Muhamed në Francë, duke akuzuar Presidentin Emmanuel Macron për “urrejtje” kundër myslimanëve.
Rezoluta e Asamblesë Kombëtare, e cila është jo-detyruese, erdhi disa orë pasi ambasadori Francez në Islamabad u thirr në zyrën e jashtme për Pakistanin për të regjistruar protestën e tij.
Zhvillimet ishin shprehja e fundit e zemërimit në botën myslimane mbi Francën duke shfaqur imazhe të Profetit Muhamed që muslimanët i konsiderojnë blasfemi.
Rezoluta shprehu “shqetësim serioz për deklaratat shumë shqetësuese dhe urrejtjen, posaçërisht nga udhëheqës si Presidenti Macron, duke justifikuar provokimin e paligjshëm dhe fyerjen ndaj ndjenjave të më shumë se një miliard myslimanëve”.
Rezoluta gjithashtu nxiti qeverinë të kërkojë nga vendet e tjera myslimane të bojkotojnë produktet franceze.
Më parë, një deklaratë e zyrës së jashtme tha se ambasadori francez ishte thirrur dhe i tha se “Pakistani dënoi me forcë barazimin e Islamit me terrorizmin, për fitime të ngushta elektorale dhe politike”.
Macron kishte nderuar një mësues francez të historisë të cilit iu pre koka nga një 18-vjeçar me origjinë çeçene për shfaqjen e karikaturave të Profetit Muhamed në një klasë për lirinë e fjalës.
Kryeministri pakistanez Imran Khan vuri në shënjestër Macron, duke thënë se ai kishte sulmuar Islamin duke inkurajuar shfaqjen e karikaturave që përshkruanin Profetin Muhamed.
Protesta të vogla u mbajtën të hënën në qytetin veriperëndimor të Peshaëar dhe qytetin lindor të Lahore, ku pjesëmarrësit dogjën flamurin francez dhe ngritën parulla kundër Francës dhe Macron.
Karikaturat e Profetit Muhamed, botuar për herë të parë në vitin 2005 nga gazeta daneze Jyllands-Posten, kanë qenë prej kohësh një temë e ndjeshme midis myslimanëve, duke nxitur protesta në Pakistan dhe gjetkë.
Diskutime rreth kësaj post