Një përplasje e ashpër mes tifozëve të Athletic Bilbao dhe atyre të Spartakut të Moskës, ndodhur në qendër të qytetit bask, i ka kushtuar jetën një polici që ndodhej në vendngjarje me synimin për të rikthyer rregullin.
Përpara ndeshjes së Europa League dy tifozeritë janë përplasur ashpër me njëra-tjetrën duke përdorur fishekzjarre, shkopinj golfi e bejsbolli, si dhe shishe qelqi.
Shumë vetë kanë përfunduar në spital nga të dyja palët, teksa më keq nga të gjithë i ka shkuar njërit prej forcave të rendit, i cili u nda nga jeta si pasojë e një infarkti në zemër gjatë momentit të trazirave.
Rreth 2500 tifozë të Spartak ishin në Bilbao. Për mbarëvajtjen e ndeshjes në stadiumin “San Mames” u deshën 700 forca sigurie.
Diskutime rreth kësaj post