Një person ka ndërruar jetë dhe dy të tjerë janë në gjendje të rëndë pas një aksidenti tek Rrethrrotullimi i Bradasheshit në Elbasan.
Nga të dhënat e para mësohet se mjeti me targa AA 743 JA i drejtuar nga Y.H., 35 vjeç, ka aksidentuar tre kalimtarë.
Fatkeqësisht njëri nga këmbësorët ka gjetur vdekjen e menjëhershme, ndërsa dy të tjerët janë dërguar për ndihmë mjekësore në spitalin Kirurgjik Elbasan për të marrë mjekimin e nevojshëm.
Drejtuesi i mjetit është shoqëruar në Komisariatin e Policisë Elbasan për veprime të mëtejshme. Grupi hetimor ndodhet në vendngjarje dhe po punon për përcaktimin e shkaqeve të aksidentit.
Ky është aksidenti i dytë që ka ndodhur brenda një kohe të shkurtër në këtë zonë, por fatmirësisht aksidenti i parë nuk ka pasur pasoja në jetë njerëzish.
Diskutime rreth kësaj post