Tërmeti tragjik në Turqi dhe Siri, Rama lajmëron njoftimin e rëndësishëm

Qeveria shqiptare ka shpallur të hënën ditë zie kombëtare në shenjë dhimbjeje për mijëra personat që humbën jetën nga tërmeti në Turqi dhe Siri.

Reagimi i Ramës:

“Qeveria Shqiptare ka vendosur që e hëna, 13 shkurt, do të jetë DITË ZIE KOMBËTARE në shenjë dhimbjeje e lutjeje për viktimat e tragjedisë së madhe të tërmetit në kufirin turko-sirian, si edhe në shenjë solidariteti me Turqinë mike, e cila na u gjend pranë kur një fatkeqësi e ngjashme goditi Shqipërinë pak kohë më parë.

Ulja e flamurit kombëtar në gjysmë shtize dhe ndezja e një qiriri nga çdonjëri sipas dëshirës e mundësisë, do të jenë shenjat kuptimplota të një të hëne të shenjuar prej dhimbjes njerëzore e solidaritetit popullor që i kapërcejnë kufijtë tane.”-shprehet Rama.