“Tërmet” në Ministrinë e Brendshme, SPAK del me njoftim zyrtar, publikon akuzat për 9 zyrtarët e arrestuar, nën hetim edhe ish-drejtoresha (FOTO)

Tetë zyrtarë dhe ish-zyrtarë të Ministrisë së Brendshme janë vënë në pranga ditën e sotme ndërsa një është shpallur në kërkim pasi prej muajsh ishin nën hetim nga SPAK.

Nën hetim nga SPAK për tenderin e uniformave të Policisë së Shtetit në vitin 2020 kanë qenë prej muajsh, Edlira Naqellari, Kreshnik Bejkaj, Ani Omuri, Klevis Hasani, Anisa Bogdani, Flutura Çekrezi, Fatmir Demneri, Gëzim Mingaj dhe Mariglen Buzali.

SPAK ka publikuar para pak minutash, detajet e operacionit që çoi në arrestimin e 9 zyrtarë të lartë të Ministrisë së Brendshme: emrat dhe akuzën për secilin prej tyre lidhur me shpërdorimin e fondeve të tenderit 2,8 miliardë lekë të uniformave dhe këpucëve të Policisë së Shtetit.

Ndërkohë kujtojmë se më 2 korrik të këtij viti u raportua një lëvizje rutinë nga Ministria e Brendshme. Ish-drejtoresha e Agjencisë së Blerjeve të Përqendruara, (Prokurimet Publike) në Ministri Edlira Naqellari u shkarkua nga detyra.