Tërheqja e Angela Merkel për Shqipërinë, reagon ashpër ish deputeti, tregon kush nuk e do çeljen e negociatave me BE

Ish deputeti i Partisë Demokratike, Gerti Bogdani ka reaguar pas vendimit për mosçeljen e negoaciatave me BE për Shqipërinë.

Ish deputeti është shprehur se politikanët shqiptarë nuk duan anëtarësimin në BE.

Sipas Bogdanit, integrimi në Bashkimin Europian do të thotë më shumë përgjegjshmëri dhe ndërshkueshmëri për politikën tonë, ndërkohë që deklaratën e kancelares Merkel e cilësoi si fakt dhe mbetje në klasë për Shqipërinë.

“Deklarata e Merkel është tashmë faktike dhe nuk është më zhurmë. Shpresoj që deklaratën ta ketë dëgjuar edhe kryeministri që është faktori kryesor për këtë “mbetje në klasë” të Shqipërisë në BE.Ka pasur raste kur është bërë një përmirësim i ndjeshëm i integrimit të Shqipërisë drejt Bashkimit Europian.

Ka ndodhur gjatë qeverisjes së PD duke filluar që nga anëtarësimi në KE deri te liberalizimi i fundit. Politika në tërësi nuk e do BE, sepse sa më afër BE të jem do të thotë që ke më shumë përgjegjshmëri dhe ndërshkueshmëri, gjë që politikanët shqiptarë nuk e duan. Duan ta kenë dorën e lirë për abuzimet që bëjnë dhe të mos ndërshkohen për atë që bëjnë.” – tha ish deputeti.