Disa televizione që po e transmetonin “live”, drejtuesin politik të PD në Korçë, Ervin Salianjin, ia kanë ndërprerë sinjalin. Arsyeja e këtij vendimi ishte pasi, Salianji po jepte mesazhe politike. Mirëpo deri në orën 19:00 nuk lejohen këto mesazhe, pasi fushata e politikanëve ka mbaruar dhe sot është radha e qytetarëve për të votuar.
“Po bën politikë, deri në 19:00 flasin shqiptarët”, u shpreh media.
Deklarata e Saljanit:
“Ka një vrull të qytetarëve në çdo cep dhe në çdo qendër të votimit sepse duan ndryshimin, kjo qeverisje i ka varfëruar dhe diskriminuar. Në çdo qendër procesi po ecën me qetësi ashtu si i takon Korçës dhe qytetarisë korçare. Ne i bëjmë thirrje për qetësi dhe pjesëmarrje masive. Janë orët e fundit të qeverisë Rama dhe sektit të tyre rilindas. Qarku i Korçës po voton masivisht për PD, i bëjmë thirrje të gjithëve të dalin të votojnë”, ishte duke thënë Salianji në momentin kur iu ndërpre linja.
Diskutime rreth kësaj post