Të shtëna te “Gizzi” në Prishtinë, këta janë dy personat e plagosur

**TË SHTËNA ME ARMË NË MAGJISTRALEN PRISHTINË–FERIZAJ, TRE PERSONA TË LËNDUAR**

Sot, rreth orës 05:00, Policia e Kosovës ka pranuar një informatë për të shtëna me armë zjarri në magjistralen **Prishtinë–Ferizaj**.

Sipas burimeve të Indeksonline, dy prej personave të lënduar janë identifikuar si **Rinor Krasniqi dhe Arlind Rushiti (i lindur në vitin 2005)**.

Zëdhënësi i Policisë për Rajonin e Prishtinës, Enis Pllana, ka konfirmuar se njësitet policore kanë dalë menjëherë në vendin e ngjarjes.

Sipas të dhënave fillestare të Policisë, **tre persona kanë pësuar lëndime**. Dy prej tyre dyshohet se janë plagosur me armë zjarri, ndërsa personi i tretë dyshohet se është lënduar nga një mjet i mprehtë.

Të tre personat janë dërguar për trajtim mjekësor.

Ndërkohë, njësitet përkatëse policore, në koordinim me Prokurorin e Shtetit, po ndërmarrin veprimet e nevojshme hetimore për të sqaruar rrethanat e incidentit.

**Hetimet janë në zhvillim dhe detaje të tjera pritet të bëhen të ditura nga autoritetet.**