Talebanët shpallin amnisti për zyrtarët qeveritarë: Kthehuni në punë

Talebanët kanë njoftuar një amnisti të përgjithshme për të gjithë zyrtarët qeveritarë, duke u kërkuar atyre të kthehen në punë me “besim të plotë”.

“Është shpallur një amnisti e përgjithshme për të gjithë, kështu që ju duhet të filloni jetën tuaj rutinë me besim të plotë,” – tha AFP, duke cituar një deklaratë talebane.

Kjo deklaratë vjen në kohën kur frika ka “mbërthyer” Afganistanin, pasi ata që punonin për qeverinë ose organizatat e mbështetura nga Perëndimi si dhe ata që punuan si përkthyes për trupat amerikane mund të ekzekutohen.

BBC shkruan se Talebanët janë të njohur për kryerjen e dënimeve brutale dhe janë akuzuar për kryerjen e krimeve të luftës, diçka që ata vetë e mohojnë.