Tmerr, panik dhe frikë në mes të Londrës, teksa një burrë në timon përplasi me makinë barrierën para parlamentit duke lënë disa vetë të lënduar. Dëshmitarë në vendin e ngjarjes kanë treguar se e gjitha dukej si e qëllimshme.
“Ishte tmerr, pashë 10 njerëz të shtrirë përtokë, ndërkohë që dukej e gjitha e qëllimshme, pasi makina rriti shpejtësinë dhe u përplas me barrierën”- ka treguar një nga dëshmitarët.
Policia bëri me dije se ka arrestuar një person, por ende nuk dha detaje për të.
“Shoferi mashkull është ndaluar nga zyrtarët në skenë”, ka njoftuar Policia e qytetit përmes një postimi në Twitter më 14 gusht, duke shtuar se një numër i këmbësorëve është plagosur.
Pamjet në rrjetet sociale kanë shfaqur pjesëtarë të policisë të armatosur rëndë, derisa kanë arritur në vendin e incidentit dhe zona afër parlamentit tani është mbyllur, ka njoftuar agjencia e lajmeve, Reuters.
Ndërkohë që për fat të lënduarit nuk janë në rrezik për jetën. Në vend mbërriten rreth 200 forca të sigurisë.
Diskutime rreth kësaj post