Spiropali sulmon opozitën: Politikës që zotohet se do presë gishta e do nxjerrë sy, i ka ardhur fundi

Ministrja për Marrëdhëniet me Parlamentin, Elisa Spiropali është takuar ditën e sotme me gratë, në Paskuqan.

Spiropali shprehet se në 25 prill fitorja për PS do të kalojë nga Paskuqani, ndërsa duke iu drejtuar opozitës tha se “politikës që flet me gjuhën e dhunës, politikës që zotohet se do presë gishta e do nxjerrë sy, i ka ardhur fundi!”

Postimi i Spiropalit:

“Zemra mal nga takimi me gratë fisnike të Paskuqanit.

Politikës që flet me gjuhën e dhunës, politikës që zotohet se do presë gishta e do nxjerrë sy, i ka ardhur fundi!

Më 25 prill fitorja kalon nga Paskuqani. Për gratë, për fëmijët, për njerëzit energjikë të Paskuqanit që mbështesin çdo ndryshim, çdo punë të mirë: Kopshte, shkolla, shërbime, ura, kanalizime, rrugë të munguara në 30 vite.

Më #25Prill politika e marrë fund e rrenave dhe e dhunës përgjigjen do ta marri siç e meritojnë. Paskuqani do të vazhdojë përpara me Edi Ramën për mos t’u kthyer kurrë pas te koha e atyre qe Paskuqanin e përdorën si hambar votash, por kurrë nuk i respektuan, kurrë nuk i ndihmuan.”– ka shkruar ajo.