“Shqipëria do drejtësi, 2023 do të jetë viti i SPAK”, u shpreh avokati Spartak Ngjela. I ftuar në emisionin Shqip nga Rudina Xhunga, tha se të gjithë i kanë sytë te SPAK ndërsa pritshmëritë për rezultate konkrete janë të mëdha.
Por në rast se nuk do të ketë rezultate, thotë avokat Ngjela, ajo që na pret është Junta ushtarake, duke dhënë shembullin e Greqisë.
“SPAK-u është magjia e kohës. E dini çfarë ndodh në botë?! Reformë për eliminimin e korrupsionit dhe krimit të organizuar. Reformë, dështo. Reformë, dështo. Sepse shpresa prodhon reformën. Dhe opinion pret. Nëse nuk ka rezultat, e dini kush vjen? Junta ushtarake. Nëse dështon SPAK, do të ketë forcë ushtarake.
Unë e kam ndjekur me vëmendje Greqinë, reformat vijonin si këtu. Korrupsioni mbizotëronte. Për 8 vjet asnjë rezultat.
Pesë kolonelë grekë morën fuqinë dhe i futën të gjithë brenda dhe pastaj u tërhoqën dhe ja ku është Greqia sot. Mbas 10 apo 15 vjetësh CIA deklaroi që Juntën (diktatura ushtarake greke 1967–1974) e kemi drejtuar ne, sepse pati sukses, ndihmoi popullin e tyre. Nuk e ishte për interesin e vet CIA se në interes të vet, do të ishte më mirë me të korruptuarit”, u shpreh Ngjela.
VIDEO:
Diskutime rreth kësaj post