Avokati i njohur Spartak Ngjela ka reaguar pas lajmit se ish senatori republikan Bob Dole, ishte diagnostikuar me kancer të avancuar të mushkërive.
Ngjela shkruan se ai është mik i madh i popullit shqiptar dhe një humanist i madh pasi na ka përkrahur në shkatërrimin e tiranisë hoxhiste në Tiranë.
Deklarata e Ngjelës:
“Marrim lajmin se Bob Doll është në gjendje të rëndë shëndetësore.
Por ne jemi shqiptarë, dhe ai ka qenë dhe është mik i madh i popullit shqiptar dhe një humanist i madh.
Na përkrahu në shkatërrimin e tiranisë hoxhiste në Tiranë; na ka ngritur lart si shqiptarë; ka përbuzur Milosheviçin dhe ka urryer gjenocidin serb kundër shqiptarëve; ka kërkuar bombardimin e Serbisë raciste dhe ka kontributin e tij të madh në pavarësinë e Kosovës.
Ne shqiptarët e kemi ndjerë si fat mbrojtës dhe mikun tonë të madh.
Ne shqiptarët ende nuk ia kemi dhënë vendin e nderit në historinë tonë të re, por sigurisht që do t’ia japim.
Kurse tani i urojmë shërim të shpejtë burrit të madh të shtetit amerikan, që, në numrin e ngushtë të shpëtimtarëve tanë modernë, shndërit si një kontribues i madh i çështjes shqiprare.
Të shkuara dhe, shëndet të shpejtë, mikut dhe mbrojtësit të madh i shqiptarëve, Bob Doll !”, shkruan Spartak Ngjela.
Diskutime rreth kësaj post