Avokat Spartak Ngjela ka deklaruar dje se, ish-kryeministri Berisha po përdor çdo mundësi për të larguar vëmendjen nga vendimi i DASH për të.
Përmes një postimi në Facebook, ai shprehet se Berisha vazhdon akoma të nxisë Bashën që të shkaktojnë trazira politike, sepse vetëm kështu mund të largojnë PS nga pushtetit dhe pastaj ta kenë të lehtë për të manipuluar çështjet dhe fshirë provat që tregojnë bëmat e tij.
Gjithsesi, sipas Ngjelës, Berisha mundohet më kot sepse akuzat janë bërë nga një institucion i rëndësishëm dhe përfaqësuesi i tij është i paprekshëm. Madje, Ngjela shpjegon se, padia e Berishës ndaj Sekretarit të DASH është absurde sepse, gjykata e Francës nuk ka kompetenca për të gjykuar një anëtar të DASH dhe as një personazh që nuk është shtetas.
Ngjela thekson se, Berisha do të marrë fund, ndërsa Basha po keqpërdoret.
“Mënyra se si fliste ai dhe Saliu për zgjedhjet e prillit, kuptohej se të gjithë stisjen e tyre e kishin ndërmarrë për të krijuar motivin e kryengritjes. Por, ndërkohë, pikërisht brenda arsyes së liderit unik, Basha na thotë: “jam shumë i fortë”, kur të gjithë shqiptarët e dinë që ai vetë është skllav i Saliut. Por, vetë Saliu ndërkohë është “non grata” në Amerikë. Kurse Saliu e ka më të rëndë çështjen: se ka akuzë amerikane. Por edhe këtu, i gënjyer nga mendjengushtësia e njeriut të trembur, po na deklaron se ka hedhur në gjyq për shpifje kundër tij Sekretarin e Shtetit të Amerikës. Dhe na thotë se e ka akuzuar në Francë. Nuk kupton derëziu, se ka të bëjë me lidershipin e lartë politik të Shteteve të Bashkuara, të cilin e ka hedhur në gjyq për shpifje në një gjykatë të Francës. Kurse avokatët po pyesin: Pse, Shtetet e Bashkuar të Amerikës, janë një koloni franceze”, – shkruan ai.
Sa i përket çështjes së kryengritjes Ngjela tha se, ishte e gjitha shtysë nga Moska, por Basha e Berisha nuk e arritën dot se u trembën nga lëvizjet e Amerikës. Avokati theksoi se, ardhja e forcave amerikane në Shqipëri i eliminon të gjitha ndikimet e Rusisë në Shqipëri.
“Basha thotë në përsëritje: ne nuk kishim asnjë pushtet në zgjedhjet e 25 prillit, në një kohë që pushtetet e opozitës i kishte dorëzuar vetë, me rrugën dhe motivin e tij të kryengritjes; kurse kryengritjen nuk e bëri dot në vitin 2019, se i theu hundët ushtria. Nga ana tjetër, ka prova që Moska ka qenë në pritje të kësaj kryengritjeje. Po Basha dhe Saliu, e dinin. Sigurisht që e kanë ditur. Edhe sot jemi në të njëjtën situatë: është i njëjti motiv që përdori Berisha për të dorëzuar mandatet e deputetëve të Partisë Demokratike në vitin 2019. Kryengritjen nuk e bënë dot, sepse në datën 26-27 prill, një ditë pas zgjedhjeve, në Durrës filluan të zbarkonin trupat e ushtrisë amerikane. Këtu u duk se mori fund edhe oreksi i politikës ruse, që kuptohet nga shenjat që po jep, se e ka pritur kryengritjen Basha-Sali”, – shkruan avokati.
Diskutime rreth kësaj post