Ish-presidenti Bujar Nishani, ka komentuar aksionin më të fundit të Policisë shqiptare dhe anti-mafias italiane, të koduar ‘Shpirti’, ku u lëshuan plot 38 urdhër-arreste nga SPAK, përfshirë zyrtarë të lartë policor, prokurorë dhe dy ish-shoqëruesit e ministrit të Brendshëm Saimir Tahiri, si të përfshirë në trafikun e drogës drejt Italisë.
Nishani theksoi se trafiku i lëndëve narkotike është një kërcënim serioz për vendin dhe se shkeljet bëhen me urdhër nga lart.
Deklarata e Nishanit:
“Trafiku i drogës është kërcënim për vendin. Është e tmerrshme saga e Zaganit, që u përndoq derisa gjeti strehim politik në një vend të BE-së. Rama vazhdon që të bëjë teatër me publikun.
Gjithçka e ka hetuar policia italiane, autoritetet tona thjesht kanë konfirmuar ato informacione që kanë ardhur nga Italia. Trafiku i drogës ka marrë përmasa vërtetë të frikshme. Besimi tek policia ka rënë në kulm. Jam i bindur se shkeljet poshtë nuk mund të bëhen pa urdhër nga lart, për këtë gjë unë e them me siguri“, tha Nishani i ftuar në një studio televizive.
Diskutime rreth kësaj post