Ish-deputeti i PD-së, Bardh Spahia jep alarmin se pas pandemisë së COVID-19 mjekët do të largohen nga vendi drejt perëndimit.
Spahia nxjerr edhe planin e kreyedemokratit Lulzim Basha për t’i mbajtur në Shqipëri. Ai shprehet se rrogat e mjekëve do nisin nga 1200 euro, ndërsa ato të infermierëve nga 700 euro.
Postimi i plotë:
“Sipas të dhënave nga forumi ndërkombëtar ekonomik i Vjenës, pandemia Covid-19 do nxisë emigrimin e mjekëve nga vendet si Shqipëria drejt perëndimit për shkak të mangësive që u identifikuan në sistemin shëndetësor në vendet e zhvilluara nga sfida me këtë pandemi.
Sipas këtyre të dhënave, 772 mjekë janë larguar nga vendi ynë në periudhën 2012-2017, ndërsa shifrat e tre viteve të fundit, ende në proces matjeje janë më të larta. Duke pasur parasysh se në një vit diplomohen më pak se 200 mjekë në fakultetin e mjekësisë, shifra e të larguarve është e konsiderueshme.
Nevojat e vendeve të zhvilluara për personel shëndetësor, pagesat dhe kushtet shumë më të mira të punës, do tërheqin interesin e mjekëve tanë. Është koha që të merren masa, duke hartuar strategji për të parandaluar një hemorragji mjekësh që do dobësonte ndjeshëm kapacitetet e sistemit tonë shëndetësor për t’i shërbyer pacientëve. PD dhe kryetari Lulzim Basha e ka në vëmendje këtë situatë dhe me ardhjen në pushtet, rrogat e mjekëve do nisin nga 1200 euro, ndërsa ato të infermierëve nga 700 euro.”, ka shkruar ai.
Diskutime rreth kësaj post