“S’kanë nevojë për strehim”! Baton Haxhiu “shtang” të gjithë: Në Kosovë mbi 300 vetë kanë ardhur në mënyrë abuzive

Në Kosovë kanë mbërritur edhe persona që nuk kanë lidhje me dëmet nga tërmeti. Deklarata është bërë në një nga televizionet kombëtare në vend nga analisti kosovar Baton Haxhiu.

“Unë tani po ju them se në Kosovë ekzistojnë mbi 300 persona të cilët janë të evidentuar që nuk kanë probleme me vendbanimet dhe janë nëpër kampe apo shtëpi private”, tha analisti Baton Haxhiu, raporton newsbomb.

Ai shtoi se ka persona edhe me precedent penal dhe se Kryeministri Rama është shprehur se duhet me pasur kujdes për këtë shpejtësi të ikjes së njerëzve pasi mund të keqpërdoret.

Ndërkohë më herët u raportua se në Kosovë kanë mbërritur nga Shqipëria më shumë se 20 mijë shtetas shqiptarë, raporton newsbomb.

Por duke marrë shkas nga deklarata e Baton Haxhiut, pyetja e thjeshtë që bëhet është: pse duhet dikush të lërë komoditetin e shtëpisë së vet, aq më tepër 300 persona, që të shkojnë e të qëndrojnë në Kosovë?