Shpend Gjocaj, një shqiptar që jeton në Nju Jork, ka treguar përvojën e tij me koronavirus. Ai përmes një postimi në Facebook ka treguar se është vetizoluar për 12 ditë, duke përdorur ilaçe kundër temperaturës dhe kura të tjera popullore me mjaltë, qepë e limon, shkruan Reporteri.
Ky është postimi i tij i plotë:
“PERVOJA IME ME COVID 19
Java qe kemi hyre, konsiderohet java me kritike per qytetin e Nju Jorkut nga COVID-19.
Andaj mendova qe eshte me interes ta ndaje pervojen time te ketyre diteve me ju ,pervoje kjo me COVID-19.Para dy javesh u ndjeva shume i semure dhe shkova ne nje Urgent Care (ne Jankers ) me te treguar shenjat e mia mjekja pergjegjese ngriti duart duke thene se “Ne nuk mund te trajtojme ty ketu.Shenjat tua jane ne protokolin shtetror me te cilin konsiderohesh me COVID-19 andaj duhet te therrasesh kete numer …te Health line”.U largova menjehere aspak i shqetesuar.
E thirra numrin qe me dhane bisedova me zyrtarin e atij departmenti dhe pasiqe i mori te gjitha te dhenat e mia dhe meqe u sigurua se nuk kam semundje tjeter si;kancer,diabet,asthma, problem me zemer etj tha se do te me kontaktojne.Kur askush nuk me kontaktoj i thirra prap pas njezet e kater oreve.E njejta gje prap.Aty e kuptova se nuk do te meren me mua por do te meren vetem me ata qe jane ne rrezik qe jane te prekur nga virusi dhe qe vuajne nga semundje tjera percjellese.
Aty vendosa te vetizolohem sic edhe bera.U mbylla ne dhome dhe ashtu qendrova per nja dymbedhjete dite.Isha shume i semure.Semundja filloi me eshtra ,fyt ,dhimbje koke pastaj me temperature te larte pak ethe, tendence vjellje ,ngapak barkqitje dhe mbi te gjitha kolle i thate, i thelle dhe shume i forte.U trajtova ashtu sic munda.Ilaqe kunder temperatures ,kunder kollit me qaj me limon me mjalte me mjeksi popullore duke perzier qepe mjalte, leng limoni etj me disa si te thuash paracetamol e keshtu.Kurse kater ditet e fundit jam trajtuar edhe me Azithromycin.Kjo pasiqe u be publike dhe u aprovua nga shteti si terapi e duhur per rastin.E pata fatin qe kete azitrmomicin e gjeta ne frigorifer.E kisha blere gjate veres ne Kosove per t’ja sjellur nje mysafirit tim i cili ndodhej ne Nju Jork per tre muaj dhe si dorshilire qe jam kisha marre me teper se qe i duheshim dhe me t’u kthyer ne Kosove mysafiri im i kishte lene terapine ketu.Nuk e kam ditur se ka per te me hyre ne pune ndonjeher’ por tash m’u gjet dhe me ndihmoi aq shume sa s’ka. Tash jam shume mire kam ende pak kolle dhe asgje tjeter.Ajo qe me shpetoi mua dhe une i shpetova te tjeret eshte se qendrova tere kohen i mbyllur.
Sot kam dale pese minuta jashte dhe serish ne rutinen time.Mos e bej Zot dikush te semret nga une.Trajtonu si te mundeni.Mos u shqetsoni se eshte e perballueshme por te jeni rigoroz me veten tuaj dhe te qendroni te izoluar njeqind perqind.Zoti na ndihmofte te gjitheve ,Zoti e bekofte popullin tim!
Ps. Nena ime qendron per momentin vetem pese minuta larg meje(te vellau tjeter) dhe vetem per ta ruajtur ate meqe vuan nga diabeti,hipertensioni etj para dy diteve ditlindjen ia urova sikur herave tjera kur ishte ne Kosove,me telefon”, ka deklaruar ai.
Diskutime rreth kësaj post