Për mjekun epidemiolog Taulant Muka, nëse qytetarët duan që të rifillojnë sërish jetën e tyre, atëherë numri i testimeve duhet të rritet.
Taulant Muka në studion e Ora News deklaroi:
“Nëse duam të fillojmë jetët tona duhet t’i gjurmojmë rastet dhe të ulim kurbën epidemike. Shtetet më të fuqishme kanë filluar të testojnë në masë. Ka shumë presion të madh mbi ta pasi është shumë e domosdoshme për kontrollin e epidemisë. Singapori e ka mbajtur epideminë pa dashur të mbyllë bizneset. Shqipëria ka mundësi nëpërmjet diasporës shqiptare që të rrisë kapacitetin e testimeve.
Qytetarët janë ndërgjegjësuar. Janë sensibilizuar për rëndësinë e të qëndruarit në shtëpi, distancimit social dhe higjienën. Ka shumë problematika që lidhen me numrat. Ne nuk e dimë numrin e të prekurve. Nga 20 vende që janë marrë në studim, rastet simptomatike të raportuara ishin 10 përqind më pak se numri zyrtar. Nëse ne kemi 5 vdekje sot ath kemi të bëjmë me një fatalitet 4-5 përqind. Varet dhe shumë nga mosha dhe problemeve shëndetësore të kenë”, shprehet Taulant Muka në Ora News.
Diskutime rreth kësaj post