Pas përfundimit të sezonit, emisioni ‘Përputhen’ ka vazhduar rrugëtimin e tij “On tour” në qytete të ndryshme të Shqipërisë për edicionin e radhës në sezonin e ardhshëm. Ashtu siç e kemi parë këto kohë në çdo qytet ish-konkurrentët janë pritur me brohoritje nga qindra qytetarë, të cilët i kanë pritur për t’i parë nga afër.
Kjo pjesëmarrje kaq e lartë i ka bërë përshtypje edhe një prej ish-konkurrentëve të “Për’puthen”, Shkëlqim Begës, i cili është habitur nga mikpritja e madhe e njerëzve, kur ata nuk kanë bërë asgjë.
“Unë kam marrë pjesë në dy audicione, pasi doja të takoja konkurrentët me të cilët kam krijuar shoqëri. Por më ka bërë shumë përshtypje se si të vajza e djem të rinj, prindër dhe fëmijë, dilnin aq shumë për të na takuar. Kush jemi ne? Jemi vetëm ulur në atë karrige. Dikush mund të thotë kam dhënë mesazh. Çfarë mesazhi kam dhënë unë? Kemi bërë takime, debate, ku i bëjnë çdo lloj çifti”, tha ai.
Po ashtu, ai tha se njerëzit e arsimuar të cilët kanë një punë nuk i intereson kush je dhe nuk e kanë ndjekur emisionin.
“Vetëm njerëzit e ‘papunë’ na kanë ndjekur”, shtoi ai.
Diskutime rreth kësaj post