Kandidati i Partisë Demokratike, Agron Gjekmarkaj ka dënuar procesin zgjedhor në Shqipëri. Në një shënim në rrjetet sociale, Gjekmarkaj shkruan ndër të tjera se shteti dhe mafia janë bërë bashkë.
Sipas tij socialistet shpërndanë para natën në çdo cep, si dhe kërcënuan. Gjekmarkaj thotë se këto zgjedhje nuk do të njihen. Ai shton se opozita duhet të marrë në dorë fatet e saj nën udhëheqjen e Lulzim Bashës.
“Opozita e udhëhequr nga Lulzim Basha do t’i prijë kësaj beteje në sheshet shqiptare, derisa regjimi të bjerë dhe vota të kthehet!” – shkruan ai.
Reagimi i plotë:
“Shqipëria në rrezik !!
Shteti dhe mafia në Shqipëri janë bërë një!
Strukturat mafioze të Edi Ramës masakruan procesin elektoral!
Kudo natën në cepa lagjesh, në qytet, në fshtra nën mbrojtjen e policisë shpërndanë para , kërcënuan, premtuan, gënjyen për votën!
Paratë e krimit trukuan frymën e votës shqiptare!
Pushteti lokal e qëndror me ndihmë sociale, punësime abuzive, legalizime e shtëpi tërmeti ndërhyri kudo për të trukuar vullnetin për ndryshim!
Kjo është historia më e shemtuar e manipulimit të votave në Europë, qysh nga viti 1922 në Itali dhe 1933 në Gjermani!
Demokracia nuk ekziston, vullneti qytetar gjithashtu, ajo dhe ai, janë shndërruar në mall që ka çmimin e parasë së drogës, së tendërave dhe të frikës!
Liria jonë është nën agresion!
Vota jonë është përdhunuar!
Opozita është e kërcënuar!
Të drejtat civile varen nga humori i të fortëve!
Proçesi elektoral është operacion financiar, nuk është më ide, program, skuadër apo lider!
PD është në provën e saj më të madhe të ekzistencës!
Ajo duhet të hyjë në llogoren ku mbrohet pluralizmi dhe jeta!
Opozita e udhëhequr nga Lulzim Basha do t’i prijë kësaj beteje në sheshet shqiptare, derisa regjimi të bjerë dhe vota të kthehet!
Opozita nuk do kompleksohet nga burokratët e ambasadave, ajo do të degjojë shqiptarët dhe t’i përgjigjet sfidës së korrupsionit me sfidën e Demokracisë!
Opozita do të marrë në dorë fatet e Demokracisë dhe të Zgjedhjeve!
Këto zgjedhje nuk do të njihen.
Ato duhen pështyrë!
Do t’i përzëmë hajdutët e votës nga zyrat e shtetit dhe nga jeta e këtij kombi!
Përballja po vjen!” – ka shkruar Gjekmarkaj.
Diskutime rreth kësaj post