Pas tërmetit të 26 nëntorit Shqipëria nuk është në gjendje të jashtëzakonshme, por jemi në gjendjen e emergjencës pjesore si rezultat i një fatkeqësie natyrore.
Ish-drejtori i Emergjencave Civile, Shemsi Prençi tha se qeveria nuk ka kompetencë të shpallë gjendjen e jashtëzakonshme, pasi këtë të drejtë kushtetuese e ka parlamenti, me propozim të qeverisë.
“Jemi në gjendjen e emergjencës pjesore, në një pjesë të territorit si rezultat i një fatkeqësie natyrore. Por edhe në rastin e shpalljes së gjendjes së jashtëzakonshme nuk e ka kompetencë qeveria ta shpallë gjendjen e jashtëzakonshme. Gjendjen e jashtëzakonshme e shpall Kuvendi i Shqipërisë me propozim të Këshillit të Ministrave”– tha Shemsi Prençi për Ora News.
Diskutime rreth kësaj post