“Shkodra është rast i veçantë”, Pëllumb Pipero zbulon çfarë pritet në këtë qytet

Mjeku i njohur Pëllumb Pipero thotë se kurba e rasteve me koronavirus në Shqipëri është horizontale dhe do të vazhdojë e tillë edhe për disa ditë.

I pyetur për rastin e Shkodrës, Pipero theksoi për News24 se atje në përgjithësi nuk janë zbatuar masat nga qytetarët, ndërsa janë dy familje të mëdha vatra të infeksionit.

“Unë besoj se Shkodra është një rast i veçantë. Atje kemi dy vatra. Janë familje të mëdha. Së dyti, shkodranët kanë qenë jo aq të bindur ndaj vendimit të qeverisë për të qëndruar në shtëpi dhe kësisoj mund të kemi disa numra”, nënvizoi ai.

Pipero thekson se nëse masat nuk do të zbatohet, epidemia do të rikthehet sërish.