Ndërsa procesi i numërimit vijon pothuajse në të gjithë vendin dhe gradualisht kemi rezultatet e para të votimeve, ajo që bie në sy dhe është shqetësuese është numri i votave të pavlefshme. Nga të dhënat e deritanishme rezulton se nga 1 961 kuti votimi të numëruara nga 5199 që janë gjithsej, vota të pavlefshme në total janë 30 mijë. Në total numri i fletëve të votimit që kanë rezultuar të pavlefshme është mbi 5%. Sipas të dhënave të deri tanishme të KQZ-së janë shpallur ta pavlefshme 31870 fletë votimi ose më tepër se 5 % e totalit të hedhura në kutitë e votimit.
Por në një shifër e tillë është shqetësuese po ta krahasojme me vitet e kaluara ku kjo përqindje ka qenë më e ulët dhe duket se këtë herë ka ndikuar ndryshimi i sistemit zgjedhor me hapjen e listës. Ndryshe nga 2017, këtë herë nëse një zgjedhës ka votuar për një forcë politike të ndryshe nga forca politike që përfaqëson kandidati i preferuari i tij, vota konsiderohet e pavlefshme. Ndërsa vlen të theksohet se në vitin 2017, numri i pa vlefshëm i fletëve të votimit ishte në total më pak se 2%. Nga ana tjetër numri i fletëve të vlefshme që janë numëruar deri tani është mbi 591 mijë.
FOTO:
Diskutime rreth kësaj post