Shënoi sot rekord infektimesh, ky shtet në Europë planifikon kufizime të reja

Danimarka regjistroi sot një rekord prej 760 raste të reja ditore të COVID-19, ndërsa qeveria planifikon të forcojë kufizimet për të frenuar përhapjen e virusit.

“Mund të na duhen kufizime të reja dhe presim që ato të vijnë në një të ardhme të afërt”, tha kryeministrja Mette Frederiksen.

Ministri i Shëndetësisë, Magnus Heunicke, theksoi se edhe pse kurba e infektimeve nuk ndryshon brenda dy apo tri ditëve, qeveria ka në plan të forcojë dhe aplikojë kufizime të reja, duke mos përjashtuar masa apo rregulla më të rrepta.