Ish-ministri i Drejtësisë, Ylli Manjani është i bindur se SHBA është tërhequr nga Afganistani, por jo nga lufta në rajon. Madje Manjani e shikon këtë tërheqje të SHBA-së si një strategji të saj për të luftuar fuqitë bërthamore që rrethojnë Afganistanin, nëpërmjet talebanëve.
Manjani nuk lë pa ‘thumbuar’ edhe kryeministrin Rama dhe protagonizmin e tij në mediat europiane për strehimin e afganëve në Shqipëri.
Postimi i plotë:
“Miza e kalit..
Bindja ime është se USA u tërhoq nga Afganistani, por jo nga lufta në atë rajon. Për fat të keq dëmet njerëzore janë të mëdha. Administrada Biden nuk bëri tërheqjen më të mirë, por më të shëmtuarën e mundshme. Padyshim më të dëmshmen për vetë imazhin e Amerikës.
Por lufta atje vijon!
Natyrisht në një formë tjetër. Jo me prezencë ushtarake por me luftë guerrilase. Njësoj si qëmoti kur Talebabët e instruktuar e të furnizuar nga Amerika luftonin kundër Bashkimit Sovjetik.
Të mos harrojmë se Afganistani rrethohet nga superfuqi bërthamore, të gjitha këto janë kërcënim potencial ndaj vetë Amerikës. Ndaj kam bindjen se strategjia tjetër (jo detyrimisht e re) është nxitja e luftës guerrilase në rajon nëpërmjet talebanëve. Këto të fundit jo vetëm që u rikthyen paqësisht e pa zgjedhje në qeveri, janë të pajisur tashmë edhe me teknikë luftarake…
Sa efektive do jetë kjo taktikë, mbetet për t’u parë. Por mua kështu më duket. Pavarësisht debatit mbi tërheqjen e turpshme dhe me shumë kosto njerëzore të USA atje. Amerika do ketë jetë edhe pas Biden… Ndërkohë, në këtë kontekst ajo që nuk kuptoj fare, po fare fare, është protagonizmi i Edi Ramës!!!
Ç’lidhje ka Shqipëria e vogël, po jashtë mase e vogël, në realizimin e strategjive të tilla ku ndeshen fuqi bërthamore, një dreq e di!?
As Edi Rama vetë nuk e di… S’ka se si ta dijë. Edhe vetë autorët e kësaj strategjie nuk janë të sigurtë në suksesin e saj. Shqipëria jonë, ca më shumë Edi Rama, është një mizë kali, që nga bytha e kalit ku paraziton bërtet se po tërheq karrocën. Një mizë që kujton se i jep mend edhe kalit ku rri, ndërkohë që paraziton pa bërë asgjë për të siguruar miqënien e vet. Qesharake, apo jo?!’-shkruan Manjani.
Diskutime rreth kësaj post