Seanca nis me debate, Kuvendi zyrtarizon Bardhin në krye të grupit të PD-së, shpërthen Tritan Shehu: Të bllokohen këto veprime, kjo është qesharake

Drejtuesja e seancës së Kuvendit, Ermonela Felaj njoftoi sot zyrtarizimin e Gazment Bardhit në krye të grupit të PD-së.

Por, deputeti Tritan Shehu, që është pjesë e grupit të Sali Berishës e kundërshtoi duke thënë se Bardhi po zgjidhet me 18 vota, ndërkohë që grupi i PD-së ka 51 deputetë.

“Përjashtohen deputetët të PD-së me një paçavure të dikujt. Pasoja që sot doli është që ju njoftoni zgjedhjen e dikujt kryetar grupi me 18 vota. Grupi i PD-së ka dalë me 51 deputetë në zgjedhjet e 2021.

E shikon ku po çojnë këto veprime tuajat dhe përfundojmë që kryetari i grupit të PD-së zyrtarizohet me 18 vota. Kërkoj që të bllokohen këto veprime. Kjo është qesharake” tha Shehu. Felaj e injoroi duke vazhduar seancën.