Pasi presidenti Ilir Meta i ka bërë thirrje shqiptarëve që të bashkohen në 2 mars në bulevard për mbrojtje e kushtetutës, ka reaguar edhe ministri i Brendshëm Sandër Lleshaj.
Sipas tij ka ardhur koha për të kornizuar me ligj funksionimin e institucionit të Presidentit.
Sandër Lleshaj shkruan:
“Koha për të kornizuar me ligj funksionimin e institucionit të Presidentit! Prej 20 vjetësh diskutohet dhe harrohet. Por siç po duket deri në dhimbje tanimë, ideja se kreu i shtetit është individ i vetërregullueshëm, ka vdekur! Republika Parlamentare nuk diskutohet, respektohet.
Fakti që Policia e Shtetit duhet të hyjë në historinë e planetit si e para polici në botë që garanton tubimin antiqeveritar të kreut të shtetit, flet më shumë se një miliardë fjalë për çrregullimin e skajshëm të zotërisë që e ka kthyer Presidentin në një absurditet folklorik.”
Diskutime rreth kësaj post