Ish-kryeministri Sali Berisha po zhvillon një bashkëbisedim me shqiptarët që jetojnë në Florida të SHBA-ve, vetëm 1 ditë pasi Kuvendi Kombëtar i thirrur prej tij shkarkoi kryedemokratin Lulzim Basha. Berisha tregoi se në datën 18 Dhjetor, ditën kur do të mblidhet Kuvendi i thirrur nga Kryesia e PD-së, do të ratifikohet nga vota e anëtarësisë shkarkimi i Bashës.
“Kuvendi i djeshëm vendosi shkarkimin e kryetarit të marrë peng nga afera të tij dhe ky shkarkim me votën e fshehtë do të ratifikohet me votën e të gjithë anëtarësisë me datën 18 Dhjetor. Këto janë zhvillimet e deritanishme, por dita e djeshme pas 11 Dhjetorit të vitit 1990 ishte data më e rëndësishme në historinë e lirisë së shqiptarëve në Shqipëri në historinë e pluralizmit”, tha Berisha.
Ai u premtoi shqiptarëve që hetojnë jashtë vendit tonë se me kthimin e PD në pushtet, të gjithë shqiptarët e diasporës do të kenë të drejtën e votës.
“Ju garantoj se PD e rithemeluar në pushtet do të bëjë gjithçka që ju të keni të drejtën e votës në vendin tuaj, të vendoset kuadri ligjor më i favorshëm për investimet tuaja dhe do të bëjmë gjithçka që shqiptarët, të rinjtë ta shohin Shqipërinë si vendin e shpresës”, u shpreh ish-kryeministri.
Diskutime rreth kësaj post