Sa përqind na mbron maska nga COVID-19? Studiuesit shuajnë kureshtjen e të gjithëve me përgjigjen

Shifrat e rasteve të reja janë alarmante në Shqipëri dhe jo vetëm. Në shumë vende të botës dhe në rajon ka një shtim të të prekurve të rinj e për rrjedhojë atyre në terapi intensive dhe rasteve të intubuar.

Një grup studiuesish të Universitetit të Kalifornisë kanë arritur në përfundimin që maska të mbron dhe fiks fiks, 65%.

Në fillim të pandemisë u tha se maska ishte e nevojshme për t`u përdorur vetëm nga njerëzit e infektuar, por tashmë edhe OBSH ka ndryshuar mendje duke e sugjeruar maskën për të gjithë, sidomos në ambientet e mbyllura.

Edhe Komiteti Shqiptar i Ekspertëve vendosi dje mbajtjen e maskës me detyrim në mjediset e mbyllura.