Rudina Hajdari takon ambasadoren gjermane: S’mund të rrimë duar-kryq

Deputetja e PD-së, Rudina Hajdari ditën e sotme ka njoftuar se është takuar me ambasadoren gjermane në Tiranë, Sussane Shutz.

Hjadari ka deklaruar se ka biseduar me ambasadoren në lidhje me ngërçin e krijuar në politikën shqiptare.

Sipas deputetetes e cila doli kundër grupit të PD-së, vendimi i saj erdhi për të qënë përfaqësuese e zgjedhësve.

Politikë e vjetër nuk përfaqëson më aspak. S’mund të rrimë duar-kryq, situata po agravon” ka thënë ndër të tjera Rudina Hajdari.

Statusi i plotë i deputetes Hajdari:

Takim me Ambasadoren e Gjermanisë në Tiranë, Znj. Sussane SHÜTZ.

Diskutuam për situatën e vështirë dhe shumë delikate në të cilën ndodhet vendi dhe institucionet Shqiptare aktualisht.

Miqtë tanë Evropianë dhe Gjermanë janë tepër të shqetësuar për krizën politiko-institucionale në vend ashtu sikurse është i shqetësuar çdo qytetar Shqiptar.
BE kërkon me të drejtë përgjegjshmëri të lartë dhe integritet nga politikanët Shqiptare, nga qeveria dhe opozita.

Është e papranushme që politika në tërësi të vazhdojë me modelin e vjetër që nuk përfaqëson aspak qytetarët Shqiptarë, aspiratat, qëllimet dhe vlerat e tyre. Dorëzimi në bllok i mandateve nga ana e opozitës nuk është zgjidhje ashtu siç nuk është aspak zgjidhje arroganca qeveritare.
Sjellja e politikës Shqiptare sot është modeli më i keq i mundshëm që po i ofrojmë qytetarëve Shqiptarë dhe sidomos të rinjëve.

Nuk mund të rrimë duar-kryq dhe të presim që ky ngërrç i paprecedent politiko-institucional të zgjidhet vetë. Situata mund të agravojë kur aktorët nuk vlerësojnë siç duhet rrethanat. Të gjithë aktorët kanë detyrimin që të reagojnë sa më parë për të orientuar një zgjidhje politike të gjithëpranueshme për krizën e paprecedentë në cilën gjendet sot Shqipëria, për një zgjidhje që siguron në radhë të parë interesin qytetar dhe kombëtar, pa ceduar demokracinë me qëllim që të ndikojmë pozitivisht të ardhmen e Shqipërisë dhe anëtarsimin e saj në BE.