Ministria e Shëndetësisë ngriti sot alarmin për përhapjen e shpejtë të koronavirusit në vend dhe bëri thirrje për respektimin e masave parandaluese. Vetëm në 24 orët e fundit u shënuan 36 raste të reja me COVID-19 në vend, duke e çuar në 1299, numrin në total të të prekurve.
Ndërkohë gazetari Erjon Skëndaj bën të ditur se është identifikuar një vatër e re koronavirusi në Qendrën Spitalore Nënë Tereza.
Ai bën të ditur se 7 personel mjekësor tek Hematologjia, në spitalin e Sëmundjeve të Brendshme, janë infektuar me koronavirus, ndërkohë që dje u tha se mes tyre dhe janë dy pacientë.
Ndërkohë, sot që kemi një rritje të rasteve të cilët po trajtohen pranë shërbimit infektiv, të cilat janë 41 raste dhe prej të cilëve 6 janë në terapi intensive dhe 2 të intubuar.
Diskutime rreth kësaj post