Rrëmbehet dhe vritet gazetarja e njohur, u gjet në autostradë

Një gazetare është rrëmbyer dhe më pas është vrarë nga persona të paidentifikuar.

Ngjarja shokuese ka ndodhur në El Salvador, ndërsa gazetarja e vrarë është Karla Lisseth Turcios.

Zyrtarët e policisë thanë se trupi i saj është gjetur dy ditë më parë në një autostradë, në afërsi të San Salvadorit.

Ajo ka qenë gazetare në revistën “El Economista”, të cilën e boton shtëpia mediatike La Prensa Grafica.

Në momentin e rrëmbimit ajo ndodhej e vetme në shtëpi, teksa ka qenë bashkëshorti i saj që denoncoi zhdukjen e papritur.