Këtë të hënë, kryeministri Edi Rama, i shoqëruar nga ministrja e Arsimin, Ogerta Manastirliu dhe kryetari i Bashkisë së Tiranës, Erion Veliaj, ka marrë pjesë në përurimin e godinave 16 dhe 17 të konvikteve në Qytetin Studenti.
Rama u shpreh se konviktet e rikonstruktura “në çdo vend të BE, do të qëndrojnë me dinjitet në kategorinë A, jo në B”.
Kreu i qeverisë shtoi se “kudo ka A, B dhe C, ka A konvikte edhe në Paris e Londër, që janë 4 veta në një dhomë, por ka dhe konvikte që janë 2 veta në një dhomë. Këto konvikte kanë 2 veta në një dhomë”.
Kryeministri theksoi se ambicia është për të bërë gjërat që i qëndrojnë kohës për në periudhë të gjatë.
Edi Rama: Gjërat nuk arrihen sa hap e mbyll sytë. Plani i transformimit të qytetit Studenti, në një qytet studentor të shekullit të ri, vazhdon. Është një qytet që është trashëgimi e së shkuarës dhe duhet t`i shërbejë të ardhmes, duhet të ofrojë për studentët kushte optimale, të njëjta me kushtet më të mira që kanë në vendet e BE.
Ky konvikt këtu, që sapo pamë, është një konvikt, i cili në çdo vend të BE do të qëndronte me dinjitet në kategorinë A, jo në B.
Se kudo ka A, B dhe C, ka A konvikte edhe në Paris e Londër, që janë 4 veta në një dhomë, por ka dhe konvikte që janë 2 veta në një dhomë. Këto konvikte kanë 2 veta në një dhomë.
Ka konvikte edhe në vendet më të zhvilluara të BE ku dushet janë të përbashkëta për shumë njerëz, këtu çdo dhomë ka dushin e vet. Është një ambicie të bëjmë gjërat që i qëndrojnë kohës për në periudhë të gjatë, jo thjesht gjëra për sot e për nesër.
Diskutime rreth kësaj post