Ka ardhur edhe reagimi nga i nominuari për kryeministër nga LDK, Avdullah Hoti, i cili ka thënë pranon çdo vendim të Gjykatë Kushtetuese. Hoti ka thënë se çdo vendim i Gjykatës Kushtetuese e pranon nga të gjithë sepse vetëm kështu avancohet demokracia.
Por, ai ka porositur të gjithë ata që shfrytëzojnë këtë Masë të Përkohshme nga Gjykata e Kushtetutës për të degraduar institucionet ekzekutive të vendit, rrënimin e ekonomisë dhe përdorimin e pandemisë për të shkelur liritë tona themelore, do të zhgënjehet keq.
Postimi i plotë nga Hoti:
“Çdo vendim i Gjykatës Kushtetuese duhet të pranohet nga të gjithë, pa asnjë kundërshtim, me urtësinë dhe detyrimin që kemi ndaj vendimeve të këtij institucioni gardian të Kushtetutës. Vetëm kështu e avancojmë demokracinë tonë. Nuk ka rrugë të dytë.
Në anën tjetër, kushdo që e shfrytëzon këtë kohë të masës PËRKOHSHME për të degraduar institucionet ekzekutive të vendit, rrënimin e ekonomisë dhe përdorimin e pandemisë për të shkelur liritë tona themelore, do të zhgënjehet keq, siç po zhgënjehen çdo ditë përmes shpalljes së vendimeve të tyre kundër kushtetuese nga ana e Gjykatës Kushtetuese.
Shumica parlamentare në Kuvendin e Republikës, duke e zgjedhur një Qeveri të re në përputhje me Kushtetutën, nuk do të lejojë që qytetarët dhe institucionet të merren nëpër këmbë nga struktura politike pa legjitimitet.”
Diskutime rreth kësaj post