Me qëllim kursimin e energjisë elektrike, Kryeministri Rama nuk i kursen vërejtjet as për pronarët e bujtinave, ku sot pasdite kreu i qeverisë ishte në një bujtinë në Peshkopi, por i tërhoqi vëmendjen pronarit, që të fikte dritat, pasi dita është me diell dhe nuk ka nevojë për të ndezur dritat.
I vendosur në siklet nga kryeministri Rama, të zotët e bujtinës u detyruan të fikin dritat, por i theksuan kreut të qeverisë se “i kemi ndezur për ju”.
Edi Rama: “Vetëm një vërejtje kam unë, këto dritat ndez ditën me gjithë këtë diell…”.
Pronari i bujtinës: “Për ju i kemi ndezur, sepse ne nuk i mbajmë”.
Edi Rama: “Fiki ato dritat se duhet me kursy energjinë. Ja njësoj nuk ka asnjë ndryshim. Fike dhe këtë këtu. E kemi lënë energjinë të lirë”.
Kujtojmë që rritja e çmimit të energjisë do të nisë të aplikohet, duke nisur nga data 1 nëntor.
Kjo u komunikua nga Enti Rregullator i Energjisë, i cili doli me vendimin për rritjen e çmimit për abonentët familjar për periudhën e mbetur të vitit, por pa specifikuar se sa do të jetë çmimi që do të aplikohet mbi fashën 800 kilovatë.
Ishte Kryeministri Rama, që pas njoftimit të ERE-s bëri të ditur se një kilovatë energji nuk do të kushtojë 42 lekë por 44 lekë, gati 5-fish më tepër.
Por edhe kësaj here, ekziston mundësia që të ketë një shtyrje të vendimit, duke nxjerrë për të disatën herë jashtë loje Entin Rregullator të Energjisë.
Diskutime rreth kësaj post