Kryeministri Edi Rama i kujtuar opozitës dhe ish-kryeministrit Sali Berisha se si qëndronin në dreka e darka në lokalet më të shtrenjta me kriminelët, kupola e policisë së shtetit gjatë qeverisjes së PD, në vend që t’u vinin prangat.
Gjatë fjalës së tij në Asamblenë Kombëtare të PS, Rama u ndal edhe te akuzat që i vijnë qeverisë edhe për arrestimin e Klement Balilit.
“Unë nuk lejoj të goditet policia dhe ministri i Brendshëm për arrestimin e Klement Balilin.
Unë këtë e refuzoj dhe nuk pranoj të më japin leksione. Kjo nuk është një luftë e lehtë, kjo nuk është një luftë që përkthehet gabim, siç përkthehen komisionet e Venecias. Kjo nuk është një luftë që bëhet duke mbajtur fjalime balte në Kuvend.
Klement Balili është në kërkim siç janë në kërkim sot bosat e narkotrafikut edhe në Amerikë, Itali dhe gjithë botën.
Ndryshimi është i madh sepse deri dje do ishte duke ngrënë mish qengji dhe duke dëgjuar çiftelinë me shefat e policisë”, tha Rama.
Diskutime rreth kësaj post