Rama mbledh ministrat te “Vila 30”, çfarë pritet të diskutojnë

Kabineti i qeverisë Rama 3, do të nisë sot mbledhjen e parë për vitin 2023.

Kreu i qeverisë Edi Rama dhe ministrat socialistë pritet të mblidhen ditën e sotme rreth orës 14:00 në ambientet e “Vilës 30” në zonën e ish-Bllokut, ku do të raportojnë për punën e tyre përgjatë vitit të kaluar përpara kryeministrit.

Mbledhja është formale dhe pritet të mos përfundojë me vendime të rëndësishme, si ndryshime në qeveri.

Megjithatë raportohet se mbledhja do të jetë maratonë, dhe mund të zgjasë edhe përgjatë ditës së nesërme.